انا بحب القطط

بتنونو كانت واقفه على سور البلكونة وبتهز في ديلها.
أتخضيت عليها وقولتلها وانا بقرب منها  
تعالي يا بوسي هنا .. هتقعي .. ايه مش عارفاني
لمحت من جنب بوئها بفتحة بالعرض زي تعويرة عمري ما اتوه عنها..
غير كدا نظراتها ليا مكنتش طبيعية واللي خلاني اقول كدا لما طالت النظر عليا ولما قربت منها زامت!.
وبمجرد ما قربت هي نزلت وجريت من جنبي ولمحتها بتدخل الحمام من خبرتي في تربية القطط انهم لو بعدوا عن صاحبهم كام يوم مش هتعرفه لما تشوفه عكس الكلاب اللي بتكون وفيه لصاحبها.
رجعت بالكرسي وانا بضحك وقربت للحمام وانا بنادي على بوسي لما بصيت عليها من برة لقيتها واخده ركن في الحمام وباصه فوق منها ونافشه شعرها وديلها واقف والغريب من كل ده إنها بدأ يخرج منها صوت أشبه پبكاء طفل!!.
وبدأت تقف على رجليها ورفعت ايديها لفوق وفي الوقت ده خدت بالها اني واقفه وراها ومتبعاها ولما شافتني فتحت بوئها الواسع وجريت عليا كأنها بتهجم بس عدت من جنبي واختفت من قدام عيني مرة تانية بس المرادي ملقتهاش في الشقة بعد ما دورت كتير عليها.
بابا وأخويا دخلوا دخلوا من باب الشقة واول ما شوفت بابا قولتله وانا مستغربه  
_ أنت لسه جاي يا بابا.
قفل الباب وراه وبص لي وقالي وهو بياخد نفسه 
_ إيه السؤال الغريب ده .. ما انا لسه داخل من باب الشقة اهو .. مالك مستغربه ومبلمه ليه.
قولتله وانا ببلع ريقي والخۏف بدأ يدب في قلبي على اللي حصل وانه من دقايق نده عليا وحكيتله على الکابوس وعلىى اللي بوسي عملته بص في الشقة هو واخويا عليها وملقوهاش قولتلهم  
_ مش هتلاقوها .. انا دورت .. والباب كان مقفول ومش معقول هتنط من الدور الرابع يعني.
فضلوا قاعدبن معايا شوية وغيروا الموضوع علشان يطمنوني بس انا كنت خاېفه جدا.. خصوصا لما بابا دخل ينام وأخويا راح البلكونة علشان يكلم خطيبته وسابوني قدام التليفزيون لواحدي كنت قاعدة قدامه وكل كام ثانية ابص حواليا پخوف كنت حاسه اني مش لواحدي عارفين الاحساس ده لما بتكون قاعد لواحدك بس متأكد مليون في المية ان في عين بتراقبك وان قلبك مقبوض وبرغم كدا فضلت قاعدة وقولت مش هركز في اي حاجة الساعة جت إتنين ونص بعد منتصف الليل وبدأ صداع شديد يسيطر على راسي.
قولت بسبب قلة النوم علشان كدا قفلت التليفزيون وكنت بتفرج على فيلم بوحة وقفلته على أغنية في الفيلم.. ودخلت أنام غمضت عيني ومش عارفه بقى عدى من الوقت قد ايه لإني قلقت وصحيت على الاغنية بتاعت الفيلم بتشتغل وبصوت عالي!!.
ده خلاني مستغربه .. لان معنى كدا اني مانمتش ثواني على بعض بس لما بصيت في الساعة لقيتها ٣