حكاية عزه

وفي الوقت ده ارتبكت وقولت ليها
عزه _ اي عرفتي اي بالظبط انا مش فاهمه حاجه
الحما _ عايزه اسمع منك يا عزه فيه اي بالظبط 
ومالك
عزه _ مش عارفه اقولك اي
قلبي بيقولي ان قلبك طيب وهتصدقي الكلام اللي هقولوا 
وعقلي بيقولي اسكتي أحسن
الحما _ اقعدي يا عزه وقولي ليا فيه اي بالظبط 
وبعدها اقعد وقولت ليها علي كل حاجه
وفي الوقت ده لقيت ماجده جايه ودخلت
حماتي _خير يا ماجده جايه عايزه ايه
ماجده _جايه ابارك للعروسه يا حماتي مش العروسه حامل برده بس قولي اللي حصل ده ازاي كلنا عارفين ابراهيم ايه
حماتي _ اخرسي قطع لسانك عزه اشرف من 
الشرف وانا لا يمكن اقبل انك تتكلمي عليها 
نص كلمه
ماجده _ ماشي يا حماتي بس اعملي 
حسابك ان لو الحمل ده كمل هنرفع 
قضيه ونشوف اللي في بطنها ده 
يبقي ابن مين وبعدها مشيت 
وانا خرجت وقولت ليها
عزه _ انا عارفه والله اني عملتلك مشاكل بس انا ڠصب عني اني وفقت اتجوز ابراهيم
الحما _اسمعي يا بنت انا مش عايزاكي تخافي من اي حد من الدنيا دي وتقفي قدام الدنيا كلها ملكيش دعوه بحد
عزه _ والله انا مش عارفه اشكرك ازاي على قلبك الطيب ده وانك واقفه معايا ده انا امي اللي اسمها امي معملتش كده
حماتي _ المهم عايزاك تسمعيني كويس اللي 
في بطنك ده مش هينفع يكمل وانتي 
عارفه ليه
عزه _ ومين قالك أن انا عايزه يكمل 
ربنا يخليكي ليا يا حماتي وبعدها تاني يوم 
كنت نايمه وحماتي كانت في المطبخ 
ودخل ليها ابراهيم
ابراهيم _ ماما إنا عايز اخرج يلا بينا نخرج
الحما _ هنخرج نروح فين بس يا ابراهيم اقعد دلوقتي اخلص الاكل وبعدين يا حبيبي هاخدك خرج
ابراهيم _لا انا عايزه اخرج دلوقتي سيبي الاكل ويلا
الحما _ طيب يا حبيبي انا هسيب الاكل روح اقعد قدام التلفزيون 10 دقائق بس واجيلك واخرجك وبعدها خرج وبعد ساعه حماتي 
خرجت وقالت
الحما _ انا خلاص خلصت يا استاذ ابراهيم وبصت لقت باب الشقه مفتوح وإبراهيم مش موجود ايه ده هو راح فين ودخلت عندي
الحما _ اصحي يا عزه ما تعرفيش ابراهيم راح فين
عزه _لا والله يا حماتي انا نايمه من ساعه الصبح
وبعدها فضلنا ندور عليه ومكناش لقينه
وبعدها جه حسن وقالي
حسن _ عارف يا حسن لو اخويا جرى ليه حاجه انا هعمل فيكي ايه وقومت وقفت وقولت
عزه _ انت ازاي تكلمني بالطريقه دي والله العظيم ما عملت في حاجه ولا اعرف اصلا مكانه
حسن _ انا هروح اعمل محضر شاكك فيكي اصلا من ساعه الكلام اللي سمعته عليك وكمان عرفت انك حامل مش من اخويا
الحما _ بطل يا حسن اللي انت بتعمله ده ولو انا عرفت ان اللي عمل كده في اخوك كنت انت السبب فيه ما تعرفش انا هعمل فيك ايه
حسن _