ابويا جوزني لواحد اكبر مني ب20 سنه الجزء الاول بقلم رحاب القاضي

الجوع في بيت اهلها وهتدخن عندنا وتتعود علي العز..
ردت عليها ندي پحده وقالت _
بس العز اللي في بيت ابويا انا عمري ما هشوف زيه المهم حضرتك يا حماتي عايزاني في ايه..
ام محمد _
وريها شغلها يا سهير انا ما فييش حيل اتكلم..
قامت سهير وقالت لندي _
هتعملي اللي كانت بتعمله مرات محمد الاولي قبل منك..
قلقت ندي وسألتها وقالت _
وهي مرات محمد الاولي كانت بتعمل ايه..
ردت عليها سهير وقالت _
اول حاجه هتعمليها هتهتمي بماما اكلها وشربها ولمؤخذه الحموم والحمام طول النهار تكوني معاها عشان هي تعباانه وشغل البيت بقي انا هساعدك فيه...
قالت ندي بضبق _
طيب اهتمي انتي بمامتك وانا امسك شغل البيت..
سهير پحده _
ما انا هبقي معاها طول الليل وانتي طول النهار ومتكتريش في الكلام دي اوامر محمد...
_سكتت ندي وبدات فعلا تهتم بام جوزها الكبيره في السن وقالت من جواها ان ده شئ لله بس بعد كام يوم الموضوع زاد وندي ما كنتش عارفه ترتاح من شغل البيت وطلبات حماتها وقالت لمحمد...
ندي _
بقولك يا محمد انا مش هطلع شقة مامتك تانيانا تعبت من اللي بعمله معاها وهي مش بتسكت واختك بتتريق علي كل حاجه اعملهافخليني قاعده في شقتي احسن...
محمد بعصبيه _
بقولك ايه جو العيال الصغيره ده ما ينفعش معايا اتعدلي بدل ما انا اعدلك...
مسحت ندي دموعها وردت عليه وقالت _
هو انا عملت ايه يعني كل ده عشان قولت لامك واختك لااا مش هعمل حاجه لحد..
محمد _
اومال. انتي متجوزه ليه وبعدين انا راجل كبير مش عيل
مراهق هفضل ادلع فيكي فا تسمعي الكلام احسنلك...
ندي پحده قالت _
انا اتجوزت لان ابويا جوزني ليك وانا ما كنتش موافقه ولا عمري هوافق براجل اكبر من ابويا في العمر ومش هكون شغاله لحد انا اللي هقدر عليه اني اعملك انت اللي عايزه مش اشيل بيت كامل..