مش مصدق اننا بنتكلم بجد بقلم رحمة طارق

كأني مكنتش برتبك لما اشوفه كأن قلبي مدقش قبل كدا 
ينفع أحبه من جديد لانه المرة دي ابتسملي انا انا وبس.
رحمة متقدملك عريس.
قرطفت الملوخية عادي يترفض.
واسمه زين وابن خالتك سلوي.
وعادي لما... احلفى بالله 
طبق الملوخية وقع مني فصوتت.
لسه منضفه يا بنت الهبلة.
انتفضت ومسكت كتفها.
ماما سيبك من الملوخية أنا هجيبلك فدان ملوخية قوليلي كدا قولتي مين اتقدم 
دا أنت عينك منه بقي.
ها.. أنا هروح ألم المواعين من على الحبل و..
مسكت دراعي تعالى يا بنت بطني فكراني مش حاسة.
كان باين عليا اوي كدا 
مفضوحة يا حبيبة أمك.
شهقت يكون هو...
لا أنا بس الي كنت حاسة أمك بس.
ابتسمت وعيوني دمعت.
بتحبيه
السؤال ميتقالش بالسهولة دي مينفعش حد ييجي يقولي بتحبيه أقوله اه بحبه اصلهم مش مجرد أربع حروف دي دنيا تانية وعالم تاني بيدور جوايا قصة جديدة حدوتة صغيرة حلم جميل أوله همسته وآخره ضحكة عينيه.
لا لا الفستان مش حلو انا مش حلوة.
بت اجمدي كدا أية البت الدايبة دي! 
دايبة بس أنا هروح دلوقتي أقوله بحبك قدام اهلي وأهله وافضحكم كلكم.
وقبل ما اروح ناحية الباب مسكت دراعي.
يخربيتك اهمدي
يا اختاي هروح اقعد معاه دلوقتي! انا هسيح لو قالي كلمة.. هو اتقدم لية اصلا أية الخيبة دي 
يا بنتي مش قعدتي تدعي بيه! 
أيوة بس... انا عاوزة اهرب يا دنيا.
قعدت ابص في الارض سبحان الله نقشة سجادتنا مختلفة عن أي مرة بصيت ليها سجادة حدوته.
طب وبعدين 
رفعت راسي نعم حضرتك عاوز حاجة 
المفروض نتكلم.
اتكلم انا معاك اهو.
طب بصيلي.
اصل.. اصل السجادة دي غريبة جدا.
هي جديدة 
لا أبدا من جواز أمي.. اقصد...
أية رأيك يا رحمة 
قلبي دق أية رأيي.. يا زين.
فضل ساكت وفجأة ابتسم بهدوء فقومت بسرعة بهمس لنفسي دا كل يوم بابتسامة مختلفة وكأني قلبي مبطل دق.
تلت شهور خطوبة وكان اتقطع لساني لما قولت تلاته ما كنا كتبنا الكتاب يوم الرؤية لازم التقل دلوقتي ! 
الكتاب اتكتب فرجعنا سوا في العربية كنت معاه في عربيته الجديدة وكان هو بنفسه الي بيسوق. 
رحمة أنا كنت عاوز أقولك حاجة.
قولي بحبك يا رحمة وانا هيغمي عليا دلوقتي. 
هزيت راسي فبصلي وقال 
أنا عارفك من زمان من قبل ما اسافر من وأنت عيلة صغيرة بضفاير وعندك ١٠ سنين ساعتها كنت في تالته اعدادي كنت بحب اشوفك أجبلك حاجات حلوة وانا جاي بحب اشوف ضحتك وسنانك المخلعة كنت بشوفك بتكبري قصاد عيني فبدأت أبعد عنك وسافرت بس اتفاجئت لما بعدت وسافرت عشر سنين إنك كبرتي ونستيني..
انتبهت وعقلي دار فجأة زمان وافتكرت لما كان عندي ١٧ سنة افتكرت أنا لية محبتش سلسلة الولد الي ضيع شهر من عمري علشان.. علشان كان معايا واحدة على رقبتي عمري ما قلعتها رفعت الخمار وخلعت السلسلة. 
فاكر السلسلة دي 
بصلي شوية ووقف
العربية علي جنب مصډوم.
أنت لسة...
أنت متعرفش لولا السلسلة أنا كان حصلي أية..
أنت.
أنا كتبتلك جوابات كتير.
أنا بحبك.
غمضت عيني وحسيت أنه با..س قلبي وطبطب عليه بالكلمة دي. فتحت عيني ابتسمت وهمستله 
وحلمت بيك أكتر.
ابتسم حلمت بأية 
حلمت إنك بتسندني وبتقولي مټخافيش.
فمسك إيدي وساق العربية
مټخافيش.
افتكرت الحلم فسألته من جديد.
أنت هتبقي معايا دايما 
أنا جنبك.
رحمة_طارق